Алғыс айту күніне орай Қостанай политехникалық жоғары колледжінің студенттері «Менің туған өлкем – жүрегімде!» тақырыбында Қазақстан Республикасында тұратын түрлі этнос өкілдері – студенттерге арналған челлендж-құттықтауға белсенді түрде қатысты.

Іс-шара жастар арасындағы достықты, өзара сыйластық пен бірлікті нығайтуға бағытталды. Челленджге қатысушылар бір-біріне жылы лебіздерін білдіріп, алғыс сөздерін айтып, еліміздегі бейбітшілік пен келісімнің, ұлтаралық татулықтың маңыздылығын атап өтті. Студенттер өз сөздерінде туған өлкелері туралы айтып, өз халықтарының дәстүрлерімен бөлісті және Қазақстан баршаға ортақ шаңырақ екенін жеткізді. Бұл елде құрмет, қолдау және бірлік жоғары бағаланады.

Челленджге келесі топтардың студенттері қатысты:
2А-3, 2ТЗ-30, 2Б-7, 1ХП-27, 3Б-5, 1ТЗ-31, 3ПО-6, 1Э-16, 1СИБ-1, 1Б-8, 1Б-9, 2ПО-9.

Осындай іс-шараларды өткізу студенттердің бойында патриоттық сезімді, толеранттылықты және өз еліне деген мақтаныш сезімін қалыптастыруға ықпал етеді. Алғыс айту күні – еліміздегі халықтар достығы мен бірлігінің маңызын тағы бір мәрте айқындайтын ерекше күн.

«Менің туған өлкем – жүрегімде!» челленджі түрлі ұлт өкілдерінен құралған студенттерді біріктіріп, еліміздің күші – оның көпұлттылығы мен ауызбіршілігінде екенін дәлелдеді.

Газизова Н.Б., педагог-ұйымдастырушы

#адал_азамат