Студенттерге мемлекеттік стипендия төлеу туралы жадынама

(2024 жылдың 1 қыркүйегінен 2025 жылдың 1 шілдесіне дейін)

«Мемлекеттік стипендияларды тағайындау, төлеу қағидаларын және олардың мөлшерлерін бекіту
туралы» Қазақстан Республикасы Үкіметінің 2008 жылғы 7 ақпандағы № 116 қаулысы
негізінде

*Мемлекеттік стипендияларды төлеу айдың 15-і күніндегі жағдай бойынша жүргізілетін алушылардың осы Қағидалардың
талаптарына сәйкестігі тексерілгеннен кейін толық ай үшін бөлшектемей
жүзеге асырылады, бұл бірінші курстың бірінші семестрінде білім алатын
алушыларға қатысты емес, осы Қағидалардың 13-тармағында көрсетілген фактілерді
белгілеу үшін олардың сәйкестігін тексеру қыркүйекте 30 қыркүйектегі жағдай
бойынша, ал келесі айларда айдың 15-і күніндегі жағдай бойынша жүргізіледі.

Техникалық және кәсіптік, орта білімнен кейінгі және жоғары білімнің білім беру
бағдарламаларын іске асыратын білім беру ұйымдарында мемлекеттік білім беру
тапсырысы негізінде білім алушыларға қалааралық теміржол және автомобиль
көлігінде (таксиден басқа)қысқы және жазғы каникул кезеңінде өтемақы төлеу
арқылы жеңілдікпен жол жүруді қамтамасыз ету жөніндегі жадынама

Жоғары бiлiмнің білім беру бағдарламаларын іске
асыратын ұйымдарда мемлекеттік білім беру тапсырысы негізінде білім алушылар
үшін өтемақылар төлеу арқылы қысқы және жазғы каникул кезеңінде қалааралық
теміржол және автомобиль (таксиден басқа) көлігінде жеңілдікпен жол жүруді
қамтамасыз ету қағидаларын бекіту туралы Қазақстан Республикасы
Әділет министрлігінде 2016 жылғы 20 қаңтарда тіркелген Қазақстан Республикасы
Білім және ғылым министрінің 2015 жылғы 4 желтоқсандағы № 677 бұйрығының негізінде

Жол жүру өтемақысы мемлекеттік білім беру тапсырысы
бойынша білім алушылардың келесі санаттарына төленеді:

     ·  техникалық және кәсіптік, орта білімнен кейінгі білім беру оқу
орындарында күндізгі оқу нысанындағы білім алушыларға жылына екі рет, қысқы және
жазғы каникул кезеңінде тиісті жылға арналған республикалық бюджет туралы
заңмен жыл сайын бекітілетін 2 еселенген айлық есептік көрсеткіш мөлшерінде;

     ·  техникалық және кәсіптік, орта білімнен кейінгі білім беретін оқу
орындарының түлектеріне – жылына бір рет 2 еселенген АЕК мөлшерінде

2024 жылдың 1 қаңтарынан бастап 1 АЕК 3 692 теңгені құрайды.

     ·   Білім алушылардың жол жүру өтемақыларын төлеудi өтемақы төлеу жөнiндегi ұйымдар жыл сайын ақпан және қыркүйек
айларында білім алушылардың карт-шотына немесе қолма-қол төлемдермен аудару
жолымен жүргізеді.

     ·  Қаладан тыс студенттер мен түлектердің жол жүруіне өтемақы техникалық және кәсіптік, орта білімнен кейінгі
білім беру ұйымдарының оқу процесінің кестесіне сәйкес тұрғылықты жері бойынша
тіркелгенін растайтын «Ұлттық білім беру деректер базасы» ақпараттық
жүйесінде қалыптастырылған деректер негізінде төленеді.

     ·  Қалалық студенттерге жол жүру үшін өтемақы жоғары және жоғары оқу орнынан кейінгі білім беру ұйымының академиялық
күнтізбесіне, техникалық және кәсіптік, орта білімнен кейінгі білім беру
ұйымдарының оқу процесінің кестесіне сәйкес қысқы және жазғы каникул
кезеңінде қалааралық теміржол және автомобиль көлігінде (таксиден басқа)
жол жүруді растайтын құжаттар (жол жүру билеті және отырғызу талоны, автобуспен
жол жүру бойынша тек жол жүру билеті) болған кезде төленеді.

·
«Әлеуметтік көмек
көрсетілетін азаматтарға әлеуметтік көмек көрсетудің мөлшерін, көздерін,
түрлері мен қағидаларын бекіту туралы»
жадынама

«Әлеуметтік көмек көрсетілетін азаматтарға
әлеуметтік көмектің мөлшерін, көздерін, түрлерін және оны беру қағидаларын
бекіту туралы» Қазақстан Республикасы Үкіметінің 2012 жылғы 12 наурыздағы № 320
Қаулысы негізінде

Орта білім беру ұйымдарының мемлекеттік атаулы
әлеуметтік көмек алуға құқығы бар отбасылардан, сондай-ақ мемлекеттік атаулы
әлеуметтік көмек алмайтын, жан басына шаққандағы табысы ең төмен күнкөріс
деңгейінің шамасынан төмен отбасылардан шыққан білім алушылар және жетім
балалар, ата-анасының қамқорлығынсыз қалған балалар осы қаулымен бекітілген
әлеуметтік көмек көрсетілетін азаматтарға әлеуметтік көмек берудің мөлшеріне,
көздеріне және түрлеріне сәйкес мектепте бір рет тамақтандырумен қамтамасыз
етіледі.