24 сәуір күні Қостанай политехникалық жоғары колледжінде  «Білім — қуатты күш» тақырыбында дебаттар өтті. Іс-шараға шешендік өнер мен сыни ойлау дағдыларын дамытуға қызығушылық танытқан белсенді студенттер қатысты.

Дебат барысында қатысушылар қазіргі қоғамдағы білімнің маңызын талқылады. Бір команда білімді табысқа жетудің және тұлғалық дамудың негізгі кілті ретінде дәлелдесе, екінші тарап практикалық дағдылар мен алынған білімді өмірде қолдана білудің маңыздылығына назар аударды.

Студенттер жоғары деңгейдегі дайындықтарын көрсетті: олардың сөздері мазмұнды, дәлелді және сенімді болды. Қатысушылар пікірталасқа белсенді қатысып, өз ұстанымдарын қорғап, қарсыластардың пікіріне құрметпен қарады.

#адал_азамат