Бүгін оқу орнында Денсаулық күніне орай спорттық эстафета өтті. Іс-шараға ПО-10, М-16, СИБ-1 және ЭС-25 топтарының студенттері қатысты.

Эстафетаның мақсаты – білім алушылардың денсаулығын нығайту, командалық рухты дамыту және салауатты өмір салтын насихаттау. Қатысушылар өздерінің жақсы дене дайындығын, ұйымшылдығын және жеңіске деген ұмтылысын көрсетті.

Жарыс достық әрі көтеріңкі көңіл-күйде өтті. Әр команда барлық кезеңдерде бір-біріне қолдау көрсетіп, үздік нәтиже көрсетуге тырысты.

Іс-шараны ұйымдастырып, өткізген жауапты оқытушылар: Уразов Д.Б., Газизова Н.Б. және Петрущенко В.И. Олардың еңбегінің арқасында эстафета жоғары деңгейде өтті.

Мұндай іс-шаралар студенттердің денсаулығын нығайтып қана қоймай, белсенді өмірлік ұстанымды қалыптастыруға ықпал етеді, бұл білім беру үдерісінің маңызды бөлігі болып табылады.