16–18 наурыз аралығында колледжде Наурыз мерекесіне орай жарқын әрі мазмұнды спорттық ойындар өтті. Іс-шара студенттерді, оқытушыларды және қонақтарды біріктіріп, күш пен ептіліктің, ұлттық дәстүрлердің нағыз мерекесіне айналды.

Жарыс бағдарламасына ұлттық спорт түрлері енгізілді: гир спорты, асық ату, бес тас, қол күрес, арқан тартыс және тоғызқұмалақ. Бұл ойындардың әрқайсысы терең тарихи тамырға ие және қазақ халқының мәдени мұрасының маңызды бөлігі болып табылады.

Студенттер жарыстарға үлкен қызығушылықпен қатысып, өздерінің физикалық дайындығын ғана емес, сонымен қатар командалық рухын, төзімділігін және жеңіске деген ұмтылысын көрсетті. Әсіресе, арқан тартыс пен қол күрес сайыстары өте тартысты әрі әсерлі өтті.

Тоғызқұмалақ ойындары қатысушылардың жоғары интеллектуалдық деңгейін көрсетсе, асық ату мен бес тас көпшілікке ұрпақтан-ұрпаққа жалғасып келе жатқан ұлттық ойындарды еске салды.

Осындай іс-шараларды өткізу жастардың денсаулығын нығайтуға, ұлттық спорт түрлеріне қызығушылығын арттыруға және мәдени дәстүрлерге құрметпен қарауға тәрбиелейді. Наурыз мерекесі тағы да бірлік пен достықтың, ұрпақтар сабақтастығының символы екенін дәлелдеді.

Барлық қатысушылар мен ұйымдастырушыларға белсенді қатысқандары үшін алғыс білдіреміз!