9-сынып оқушылары арасында жүргізілген кәсіптік бағдар беру жұмысы

           2026 жылғы 19 қаңтарда Қостанай қаласындағы №19 жалпы білім беретін мектепте 9-сынып оқушылары арасында кәсіптік бағдар беру жұмысы өткізілді. Іс-шараны Қостанай политехникалық жоғары колледжінің оқытушылары Байбулатова А.Ж. және Омарова Г.А. жүргізді.

          Іс-шараның мақсаты – оқушылардың саналы кәсіби өзін-өзі айқындауына ықпал ету және техникалық және кәсіптік білім алу мүмкіндіктері туралы ақпарат беру. Кездесу барысында оқушылар Қостанай политехникалық жоғары колледжінің қызметімен, қабылдау шарттарымен, оқу үдерісінің ерекшеліктерімен және түлектерді әрі қарай жұмысқа орналастыру мүмкіндіктерімен таныстырылды. Сонымен қатар колледждегі сұранысқа ие мамандықтар, материалдық-техникалық база және білім беру үдерісінің тәжірибеге бағытталған сипаты туралы мәліметтер ұсынылды. Алынған ақпаратты бекіту мақсатында оқушыларға колледж туралы ақпараттық буклеттер таратылды.

        Сонымен қатар 9-сынып оқушылары 2026 жылғы 20 қаңтарда Қостанай политехникалық жоғары колледжі базасында өтетін кәсіптік сынамаларға қатысуға шақырылды. Өткізілген іс-шара оқушылардың техникалық мамандықтарға деген қызығушылығын арттыруға ықпал етіп, жалпы білім беретін мектеп пен техникалық және кәсіптік білім беру ұйымы арасындағы өзара ынтымақтастықты нығайтудың маңызды кезеңіне айналды.

Ақпаратты Байбулатова А.Ж. дайындады.