Бүгін колледжімізде студенттерге арналған маңызды профилактикалық кездесу өтті. Кездесуге капитан юстиция, ОВСП РСО бөлімінің бастығы Бекдауытов Дархан Қозыбайұлы қонақ ретінде шақырылды.
Дәріс барысында Дархан Қозыбайұлы есірткі заттарын қолданудың алдын алу тақырыбында баяндама жасады. Ол есірткі заттарының заңсыз айналымы мен қолданылуына байланысты құқықтық салдарлар, жауапкершілік шаралары және нақты қауіптер туралы кеңінен түсіндірді.
Студенттердің ерекше қызығушылығын сотталған адамдардың нақты өмірлік оқиғалары көрсетілген бейнематериалдар тудырды. Бұл мысалдар заңды бұзудың және қате таңдаудың ауыр салдарға әкелетінін айқын көрсетті.
Аталған профилактикалық іс-шараға келесі топтардың студенттері қатысты: 1ЭС-25, 1Б-9, 1Б-8, 2М-13.
Өткізілген дәріс жастардың құқықтық сауаттылығын арттыруға және өз денсаулығы мен болашағына жауапкершілікпен қарауын қалыптастыруға зор үлес қосты.